O XANTAR DOS MEUS NETOS
(Recomendación para avós e país desesperados)
Non sei a que se debe, pero os
meus netos tiñan unha certa inapetencia gastronómica a hora do xantar na miña
casa.
Mira que me esforzaba eu en
ofrecerlles os cativos comidas ricas, cando viñan; comidas feitas con todo o intres de avó : zanco de polo, coellos,
peixes, verduras, sopas…
A resposta dos pequenos era casa
sempre a de desgana, queixas, acenos, e desculpas.
Un feliz día, lendo o concepto de
deconstrucción de Jacques Derrida descubrín
a importancia entre o significado ou a imaxe mental e o significante, e puxen en marcha un plan
revolucionario e innovador para darlles
de comer; un plan iluminado por un exemplo:
“ Non é o mesmo invitar a uns amigos ao ballet, o lago dos cisnes, que
invitalos o lago dos porcos, entre outras razóns porque os probes dos porcos teñen peo valroración
conceptual cos cisnes, ou peor significado”…
Desde aquela, eles e mais eu
temos un secreto gastronómico, o menú do avó é moi especial :
Os peixes, son “ sardiñas de monte”; os riles, “granadas explosivas”; tódalas
verduras son “algas da praia de Coira ou das Furnas”; os bistés “pneumáticos de
Ferrari”, os ovos fritidos pertencen as “galiñas velociraptores”, e as sopas
son unha beberaxe máxica que da poderes
sobrehumanos, preparada por min seguindo
unha receita que me entregou fai moitos
anos o meu amigo o druída Panoramix.
Estas sopas, eles saben ben que as cociño con plantas salvaxes que recollemos unha vez o ano na excursión
que fago con eles ó Monte Pedroso, ou ó
Pico Sacro.
( As mellores herbas máxicas son deste último).
No xantar, desde aquela
importante innovación semántica, faise un silencio respectuoso dos netos na mesa, que
aproveitan para devorar ate o último anaco de comida con un sorriso misterioso
e ilusiónante, diante do asombro dos seus pais e da avoa…
Eu, simplemente síntome un extraordinario
mestre-chef, e, o avó mais feliz do mundo.
Ningún comentario:
Publicar un comentario