HISTORIA VATICANISTA
Nun deses xantares surrealistas
ós que teño asistido, tocoume a mesa dos prelados.
O remate da comida e xa ca
confianza espirituosa que dá o viño, collemos folgos e acordamos
contar un conto cada un dos comensais.
Tocoulle o pouco a quenlla ó arcebispo
e meteulle o dente a historia seguinte:
― Morreu D. Carlos Marx o pai
do comunismo e do marxismo ós 64 anos de idade.
Foi dereito ó ceo.
―Alí San Pedro esculcando no
libro dos mortos dou pronto cos seus
“ datos e méritos
biográficos”, advertindolle, que cos seus antecedentes de ningunha
maneira podería entrar no ceo.
― Acabouno redireccionando,
como se di agora en internet, cara o inferno, e polo interfono,
advertiulle a Satanás que lle mandaba unha boa peza. Asunto este que
non desgustou o demo en absoluto.
― Pasado un tempo - puido moi
ben seren unha eternidade, ou minutos, porque alí non existe o
tempo - picado da curiosidade San Pedro, chamou ó demo para saber
como lle ía co ditoso Marx.
Satanás estaba realmente
alporizado. Manifestoulle a Pedro que non era quen para trae o rego
a Don Carlos. Que tiña armado un bo lio no inferno...
― Mira Pedro, temos folga dia
si, dia non; apagáronse os fornos; fixo boa masa cos meus axudantes
que están cheos de reivindicacións... e agora ten o mango da
cazola ese Marx. Non durmo desde que chegou. Non podo mais!.Vou ter
que deixar este choio...
San Pedro por evitar renovacións
e rexeneración no inferno, - en todas partes e igual - , díxolle:
― Pois dille que quero velo, e
mándamo un tempo para aquí. Vou estudar a ese individuo...
Así foi como Carlos Marx foi
de novo ó Ceo.
Pasada outra eternidade,
Satanás, sei que chamou a Pedro para lle preguntar polo fundador do
materialismo histórico e a conversa transcorreu así...
―Pedro, son o Príncipe da
Tebras.
― Dime, dime meu estimado
amigo complementario!
―Queríache preguntar por Don
Carlos Marx, como vos vai con el?
― Vainos moi ben, estamos
encantados, ledos, somos moi bos amigos, non teño queixa algunha...!
Satanás non saía do seu
asombro...
―Pero e posible Pedro?
― Que si demo que si, que
estamos moi compracidos e animados con el.
E unha bendición para o ceo!!
Satanás aparvado e pampo sei
que lle preguntou
― E Deus que di Pedro...?
O que lle contestou San Pedro:
―Camarada, Deus non existe!!!!
Ningún comentario:
Publicar un comentario