ANTÓN
DE
FOLGOSO
O
“NAMORADO”
Antón
de Folgoso
viviu toda
a súa
vida, ate
hoxe, a
conta da
súa avoa,
que é
rica por
parte de
pai, e
dispón dunha
manchea de
vivendas, e
de baixos
no centro
histórico, que
foron coa nova
lei alugadas
moi ben.
Antón
non traballou
profesionalmente
nunca. Fixo
a carreira
de dereito,
segundo di,
por compracer
a avoa.
E tamén
sérvelle como escusa para
rexistrar,
vender, ou
alugar os
pisos dela,
coma única
actividade.
Os
días os adica a
baixar varias cuncas café, do que é un serio adicto; a pasear e
charlar cos amigos; a
ler poemas e
libros clásicos;
a tocar o
piano; a pintar
acuarelas de vellos pazos e monumentos, e
ate a
calcetar unhas
magnificas
bufandas de
lan de
vivos cores,
que regala a moitos de nos.
(Eu xa
teño unha
media ducia).
Antón,
e un
amigo doce,
tolerante, culto,
e sensible como
poucos...
Non
chegou a casar polo
pelos...e por
algo mais
complicado, que
vos conto
axiña.
A
el gustáballe
a morrer
e desde sempre
a Marilín, unha
veciña moi
feita que vivía
nun portal o seu carón.
Un
día, fai
disto un
par de
anos, descubriu
con horror,
que esa muller da
que estaba
tolamente
namorado, e que
veu crecer
desde nena, decidira
cambiar de
sexo.
Agora
a veciña
chamase Mario.
A
partires daquela saúdanse sempre
con moito
agarimo cando se
atopan na
rúa, ou
en calquera
outro lugar.
A rutina verbal de como vai a vida, séguelle unha despedida con
dous castos bicos nas meixelas.
Cando
Mario emprende
a marcha
despois do
saúdo, o
Antonio
quedáselle un
anaco mirándolle
as costas
cos ollos
entre pechados,
e téñolle
escoitado
balbucir algunha
vez, algo
así como
: “que
magoa tan
grande de
muller
perdida...”.
Eu non
entendín ata o
de agora, se
quería dicir
que era
unha perdida,
ou que
foi unha
gran perda
para el
mesmo...
Antón,
tenme moito
afecto persoal,
e unha confianza
cega no meu criterio, non sei porque razón. Será porque tamén son
amante da poesía, asunto este moi raro nos tempos que corren.
Onte
chamoume por
telefono para
me pedir
unha urxente opinión sobre
un asunto
no que levaba
matinando moito
tempo...
Quedei
con el
para despois
de xantar,
na miña
propia casa.
O
recibín no
salón, e
prepareille un
café con misturas arábicas, que arrecendía a chocolate, mel e
caramelo, como
unha especie
agasallo
gastronómico.
Antón,
despois de
beber un
sorbo miroume de
fito en fito con
certa timidez
, e,
arrancouse decidido sen
reviravoltas:
“que
che parecería,
se nuns
días eu
pasara a chamarme Antonia
?” ...
Non
souben que
lle contestar
nese momento...
pero logo
cavilei para min
...inda quedan
amores que
poden con
todo!.
Ningún comentario:
Publicar un comentario