O conto é, que aquela solta e tiro ao faisán organizada no Pazo e finca do Langrán, tíñase convertido nun acto social e político de primeira. Desto fai uns vinte anos, xa en plena democracia pedánea.
A presenza do Presidente, como un tirador
mais, fixo asistir a mais de medio centenar
de interesados aduladores que tiñan pagado unha pequena fortuna, e movido
moitas influencias por participar no evento.
Mai ou menos coma naquela película
“A Escopeta Nacional” pero en versión galega.
O Sr. Presidente chegara ese dia –
por certo con chuvascos e refachos de vento –, con media
hora de anticipación, poñendo dos
nervios aos organizadores e facendo correr sen protestar con risas nerviosas incluso aos mais
puntuais.
Un cento de faisáns engaiolados
agardaban a que Xanciño, un fillo dos
caseteiros da finca, agochado tras dun parapeto de mirto os fora soltando de un en un,
entre disparo e disparo dos tiradores, con lentitude calculada.
Dous disparos do Presidente abateron
o primeiro faisán que caeu redondo ao seus pes.
Moi ben, marabilloso, perfecto,
incrible, Sr. Presidente !. Foron as mais das voces que se oíron...
Outro dos “invitados”, errou o
tiro e buscou a segunda oportunidade seguindo o vo errático da ave… e, non lle
acertou de cheo a Xanciño de puro milagre, pero levou por diante unha manchea
de mirtos voadores.
O incidente produzo un arrepío para os caseteiros que asistían coma
observadores na última fila; e unhas risas insensibles para tódolos demais.
Volveulle tocar pouco despois ao
Presidente nunha nova quenda.
Desta volta, o segundo disparo
unicamente feriu ao faisán da variedade de Mongolia , que voando a media ala ía a golpes de babor a
estribor polo recinto, ate acercarse a proximidade de un dos escoltas da
Presidencia.
Creo se chamaba Rufino, e portaba
un paraugas enorme co escudo da Comunidade.
Foi visto e non visto, arreoulle
o golpe de graza co puño do paraugas que collia ao revés, que impactou de cheo no faisán desfacéndolle os miolos.
O aplauso foi unánime, e os berros
de Presidente, Presidente! escoitáronse
a unha legua do lugar…
O Rufino sei que murmurou entre
dentes : “ o carallo !, se non fora
por todos os que lle facemos o traballo sucio, esta
galiña pasábase a oposición.”
Ningún comentario:
Publicar un comentario